Son xəbərlər (441)

Azərbaycan Turizm və Menecment Universitetinin əsas elmi nəşri olan “Turizm və qonaqpərvərlik tədqiqatları” beynəlxalq jurnalının üçüncü sayı çapdan çıxıb. Jurnala daxil edilən məqalələrdə ali təhsildə innovasiya fəaliyyəti, Azərbaycanın turizmi ilə bağlı beynəlxalq reytinqlərdə mövqeyinin yaxşılaşdırılması imkanları, Azərbaycanda otel və kurort infrastrukturunun mövcud vəziyyəti və onun iqtisadi qiymətləndirilməsi, Azərbaycanda turizm xidmətlərinin təşkili istiqamətləri, dünya təcrübəsində cazibə modeli anlayışı və onun tarixi inkişafı, iqtisadi informasiya sistemlərinin layihələndirilməsi və qurulması, Azərbaycanın tarixi turizmi və perspektivləri və s.məsələlər araşdırılıb və tədqiqat nəticələri təhlil edilib.

Jurnalın elektron versiyası ilə ATMU-nun Kitabxana İnformasiya Mərkəzində tanış ola və ya rəsmi saytından elektron versiyanı əldə edə bilərsiniz.

27 dekabr 2019-ci il tarixində Azərbaycan Turizm və Menecment Universitetində (ATMU) Elmi Şuranın iclası keçirilib. ATMU-nun rektoru Ilham Mədətov Elmi şura üzvlərinin diqqətinə çatdırıb ki, iclasın gündəliyinə Elmi-tədqiqat işlərinin yekun hesabatı və (Məruzəçi: N.Nəsirli) , “İctimai fənlər” kafedrasının illik hesabatı (Məruzəçi İ.Əliyev) və cari məsələlər daxil edilib. Universitetin “Elm və innovasiya” şöbəsinin müdiri Nəsrulla Nəsirli elmi-tədqiqat işlərinin yekun hesabatına dair məruzəsində qeyd edib ki,elmlə məşğul olan insanın əsas məqsədi bir tərəfdən obyektiv bilikləri əldə etməkdən, digər tərəfdən onları nəzəri cəhətdən sistemləşdirməkdən ibarətdir. Ümumilikdə, elm – insanların mənəvi fəaliyyəti olub, təbiət, cəmiyyət haqqında biliklərin əldə olunması, həmçinin real faktlar və onlar arasında mövcud olan qarşılıqlı əlaqə əsasında həqiqətin öyrənilməsi və yeni qanunauyğunluqların aşkara çıxarılmasından ibarətdir. Müasir texniki tərəqqi əsrində insanlar öz həyatlarında elmin rolunu və dəyərini daha aydın anlayırlar.Elə bu səbəbdən elmi–tədqiqat işlərinin aparılmasına, ətraf mühit haqqında daha çox məlumatın əldə edilməsinə, maddi rifahın yüksəldiməsinə xidmət edən yeni texnologiyaların yaradılmasına xüsusi fikir verilir.Elmi bilik elmi–tədqiqat prosesi sayəsində qazanılır. Tədqiqat işləri bilik istehsalının hərəkətverici qüvvəsi ,elmi–tədqiqat fəaliyyətinin əsas təşkiledicisi kimi qnoseoloji sistemdə konkretləşərək “tədqiqatçı–tədqiqat vasitəsi–tədqiqat obyekti” formatını alır. N.Nəsirli daha sonra diqqətə çatdırıb ki, “2016-2025-ci illər üçün Azərbaycanda turizmin inkişaf strategiyası” layihəsi Azərbaycanda turizm sənayesinin mövcud vəziyyəti, inkişaf potensialı, turizmin inkişafında hökumətin rolu, maraqlı tərəflər arasında potensial əməkdaşlıq formaları, bu əməkdaşlıqların uğurla qurulması metodları və bir sıra digər mühüm elementlər haqqında məlumat və tövsiyələri əks etdirən sənəddir.

Azərbaycanı cəlbedici və uğurlu turizm məkanına çevirmək üçün dövlətin turizm siyasətinin dörd əsas strateji prinsip üzərində qurulmasını tövsiyə edən strategiya sənayenin inkişafı üçün əlverişli iqtisadi mühitin yaradılması, turizm məhsulunun müxtəlifliyi, sənaye standartlarının təkmilləşdirilməsi və ictimai marağın qorunması

şərti ilə sənayenin inkişafı üçün zəruri stimullaşdırma, planlaşdırma, koordinasiya, araşdırma və statistik köməyin təmin edilməsinə dair müxtəlif təkliflər təqdim edir.

“Elm və innovasiya”şöbəsinin müdiri, f-r.ü.f.d., dosent Nəsirulla Nəsirli 2019-cu təqvim ilində ATMU-nun kafedralarında yerinə yetirilən elmi-tədqiqat işlərinin ümumi qanunauyğunluqları, forma və metodları, əsas prinsipləri və tərtib olunma metodikası haqqında da rəy və təkiliflərini bildirib.

Elmi şura iclasının gündəliyinə müvafiq olaraq ATMU-nun “İctimai fənlər” kafedrasının müdiri,t.e.n.dos.İbrahim Əliyevin adıçəkilən strukturun son bir ildəki fəaliyyətinə dair təqdimat-məruzəsi dinlənilib. Rektor İlham Mədətov elmi şura üzvlərini 2019-cu ildə nəzərdə tutulan universitet əhəmiyyətli bir sıra məsələlərin uğurla həllini tapdığını deyib. ATMU ailəsinə səmərəli fəaliyyət ili arzulayıb.

Elmi şuranın gündəliyindəki məruzələr əlavə və təkliflər nəzərə alınmaqla qənaətbəxş hesab olunub.

Universitetin rektoru İlham Mədətov dünya azərbaycanlılarının həmrəyliyinin dövlət səviyyəsində bayram edilməsinin ümummilli lider Heydər Əliyevin xalqımız və vətənimiz qarşısında göstərdiyi tarixi xidmətlərindən biri olduğunu deyib. Diqqətə çatdırılıb ki, 1991-ci il dekabrın 16-da Naxçıvan Muxtar Respublikası Ali Məclisinin sədri Heydər Əliyev dünya azərbaycanlılarının birliyini yaratmağın əhəmiyyətini nəzərə alaraq, dekabrın 31-ni Dünya Azərbaycanlılarının Həmrəyliyi Günü elan edib. Ulu Öndər Azərbaycan Respublikasının Ali Sovetinə müraciət edərək dünya azərbaycanlılarının birlik və həmrəylik ideyasının ölkə miqyasında təsbit edilməsinə nail olub. Davamlı yüksəliş yolunun bir millət olaraq həmvətənlərimizin monolit birliyindən keçdiyini vurğulayan rektor deyib: “Dünyanın hansı bucağında yaşamasından asılı olmayaraq əksər soydaşlarımız Vətəndə baş verən ictimai-siyasi prosesləri diqqətlə izləyir, Prezident İlham Əliyevin rəhbərliyi ilə gerçəkləşən islahatlar paketi və qazanılan nailiyyətlərlə fəxr edirlər”.

Hər bir ölkənin strateji məqsədləri sırasında ixtisaslı kadr hazırlığı prosesinin olduqca məsuliyyətli və şərəfli vəzifə olduğunu qeyd edən rektor İ.Mədətov ATMU-da bu ənənənin hər zaman qorunub saxlanacağına əminliyini bildirib.

Azərbaycan Turizm və Menecment Universitetinin TOR 1901 qrupunun tələbələri "Lahıc Turizm nöqteyi nəzərdən" adlı mövzuda üç dildə (Azərbaycan, Rus, İngilis) təqdimat hazırlamışlar.
Qrupun tələbələri olan, Quluzadə Ceyla, Şeydayeva Əminə, Quliyev İlkin adı çəkilən mövzuda təqdimatlar etmişlər.
Təqdimatın rəhbəri Tofiq İmanov tələbələrə, Azərbaycanda qeyri-neft sektorunun inkişafında, Turizmin dinamik şaxələnməsindən bəhs etmişdir.
Təqdimat zamanı, Tədris və Metodiki şöbənin müdiri Simnar Məmmədov, Karyera və kommunikasiya şöbəsinin müdiri Anar Eminov iştirak etmişdir.

5 -dən səhifə 111

Bizimlə əlaqə

Sizi maraqlandıran istənilən sualla bağlı müraciət edə bilərsiniz

  • Ünvan: Koroğlu Rəhimov 822/23
  • Tel: +994 12 5644233
  • Email: info@atmu.edu.az
  • Poçt indeksi: AZ1072

Tələbələr bizim haqda nə fikirləşir?!

Top
We use cookies to improve our website. By continuing to use this website, you are giving consent to cookies being used. More details…