Son xəbərlər (440)

13.12.2019-cu il tarixində “Mehmanxana və restoran biznesi” kafedrasının müdiri p.e.n., dos. Novruz Quliyevin təşkilatçılığı ilə keçirilən (TOR1701 qrupunda) “Servis fəaliyyəti” fənnindən seminar –məşğələ “İşgüzar oyun” formatında olub. Seminar-məşğələdə Elm və inkişaf məsələləri üzrə prorektor İranə Əliyeva, “Turizm biznesi” kafedrasının müdiri Hafiz Hüseynov, “Turizm və qonaqpərvərlik” fakültəsinin dekan müavini Fərid Cabbarlı, kafedranın müəllimlərindən Çingiz Əliyev, Gülnar Məmmədli, Həlilə Məmmədova, Tural Salıfov iştirak ediblər.

“İşgüzar oyun”formatındakı seminar-məşğələdə fərqli servis fəaliyyəti növləri tələbələr tərəfindən əyani nümayiş olunub.

Seminar-məşğələdə prorektor İ.Əliyeva tələbələrə hazırladıqları çıxışlarla bağlı suallar ünvanlayıb və fəaliyyətlərini müsbət qiymətləndirib, dərslərin bu formada təşkilinin səmərəli olacağına əminliyini bildirib.

“Turizm biznesi” kafedrasının müdiri H.Hüseynov “İşgüzar oyun” formasındakı dərsin davamlı təşkilinin turizm və otel ixtisasında təhsil alan tələbələr üçün önəmli olacağını,“Turizm və qonaqpərvərlik” fakültəsinin dekan müavini F.Cabbarlı isə ümumilikdə seminar dərslərin belə təqdimatda keçirilməsinin məqsədəuyğunluğunu qeyd ediblər.

16 dekabr 2019-cu il tarixində ATMU-nun Biznes idarəçiliyi fakultəsinin və Daxili İşlər Nazirliyinin BŞBPİ-nin İçtimai Təhlükəsizlik və Narkotiklərlə Mübarizə İdarəsinin təşkilatçılığı ilə Universitetdə Təhsil Naziri cənab Ceyhun Bayramovun 28.08.2019-cu il tarixli F-516 nömrəli əmrlə bağlı Azərbaycan Respublikası Prezidentinin 22 iyul 2019-cu il tarixli 1334 nömrəli Sərəncamı ilə təsdiq edilmiş "Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2019-2024-cü illər üçün Dövlət Proqramı"nın həyata keçirilməsi üzrə Tədbirlər Planının icrası məqsədi ilə “Ağ ölüm” adlı tədbir keçirilmişdir.Tədbirdə İçtimai Təhlükəsizlik İdarəsinin baş inspektoru, polis mayoru Kəmalə Ələkbərova və Narkotiklərlə Mübarizə İdarəsinin inspektoru Anar Rüstəmov maarifləndirici çıxışlar edərək narkomaniyanın törətdiyi fəsadlardan və ümumi problemlərdən ətraflı məlumat vermişlər.Tədbir tələbələrin fəal iştirakı və verilən suallar əsasında yekunlaşmışdır.

Azərbaycan Turizm və Menecment Universitetinin əməkdaşları Elmira Qocayeva, Sabir Quluzadə və Sənubər Qənbərova Rumıniyanın Buxarest şəhərində “Artifeks” Universitetinin təşkilatıçılığı ilə keçirilən “Bilik cəmiyyətində innovativ iqtisadi-sosial yanaşmalar” adlı beynəlxalq konfransa qatılıblar. SİA-nın məlumatına görə, sözügedən beynəlxalq tədbirdə Azərbaycan, Rumıniya, Bolgariya, Serbiya, Rusiya, Moldova, İtaliya, Ukrayna və digər ölkələrin aparıcı ali məktəblərinin professor-müəllim heyəti, eləcə də müxtəlif təşkilatlarının nümayəndələri iştirak ediblər. Elmira Qocayeva “Turizm sahələrində rəqabətqabiliyyətli indeksə əsaslanan tədqiqatların aparılması” mövzusunda etdiyi çıxışında Azərbaycanın turizm sektorunun rəqabətqabiliyyətliliyinin yüksəldilməsi, M.Porterin rəqabətqabiliyyətlilik konsepsiyası və onun bazasında hesablanılan turizmin rəqabətqabiliyyətliliyi indeksinə təsir göstərən indikatorlar üzrə qiymətləndirmələr məsələlərinin geniş şərhini verib. Sabir Quluzadə “Milli valyutanın devalvasiyasının Azərbaycanın istehsal sənayesinə müsbət təsiri”nə dair məruzəsində Azərbaycanın əmtəə ixracı, xarici ticarətin, milli iqrisadiyyatın beynəlxalq rəqabətliliyinin artması, ölkənin strateji valyuta ehtiyatlarına aydınlıq gətirib. Sənubər Qənbərova isə “Turizm XXI əsrdə sosial-iqtisadi fenomen kimi” mövzusunu ehtiva edən məruzəsində XXI əsrdə dünyada və Azərbaycanda turizmin əsas inkişaf etmiş istiqamətləri və destinasiyaları haqqında detallı məlumat verib.

Həmçinin Rumıniyanın Buxarest şəhərində “Artifeks”Universitetinin təşkil etdiyi “Bilik cəmiyyətində innovativ iqtisadi-sosial yanaşmalar” adlı beynəlxalq konfransda ATMU əməkdaşları Azərbaycanın və Turizm və Menecment Universitetinin tanıtımını əks etdirən videoçarxları yayınlayıblar və Qarabağ həqiqətlərini iştirakçıların diqqətinə çatdırıblar.

Plenar iclasla işə başlayan tədbir öz fəaliyyətini müxtəlif bölmə iclaslarında davam etdirib. Sonda tədbir iştirakçılarına sertifikatlar təqdim olunub.

Rusiya Federasiyasının Yoşkar-ola şəhərindəki Povoljski Dövlət Texnologiya Universitetində “İnsan və cəmiyyət qlobal transformasiyalar çağrışı qarşısında” mövzusuna həsr olunan elmi konfrans keçirilib.Fəlsəfə, sosial, iqtisadi, pedaqoji, mexanika, informasiya texnologiyaları, inşaat, ekologiya və s. sahələri əhatə edən aktual məsələlərin qloballaşma kontekstində analitik təhlilinə və müzakirəsinə həm xarici, həm də Rusiyanın nüfuzlu universitetlərindən onlarla alim,aspirant, magistrant qatılıb. Azərbaycan Turizm və Menecment Universitetinin (ATMU) “Turizm və qonaqpərvərlik” fakültəsinin dekan müavini Emin Quliyevin “Azərbaycan-Rusiya münasibətlərinin bu ölkələrin sosial-iqtisadi inkişafına təsiri “mövzusunda məruzəsi tədbir iştirakçıları tərəfindən maraqla qarşılanıb.

“İnsan və cəmiyyət qlobal transformasiyalar çağrışı qarşısında” adlı tədbirdə cəmiyyəti narahat edən məsələlərin səmərəli həllinə nail olunmasından ötrü davamlı elmi araşdırmaların aparılması, yekun nəticələrin müvafiq ali təhsil müəssisələrinin tələbələri, magistrantları, aspirantlanları tərəfindən mənimsənilməsi qərara alınıb.

7 -dən səhifə 110

Bizimlə əlaqə

Sizi maraqlandıran istənilən sualla bağlı müraciət edə bilərsiniz

  • Ünvan: Koroğlu Rəhimov 822/23
  • Tel: +994 12 5644233
  • Email: info@atmu.edu.az
  • Poçt indeksi: AZ1072

Tələbələr bizim haqda nə fikirləşir?!

Top
We use cookies to improve our website. By continuing to use this website, you are giving consent to cookies being used. More details…