Son xəbərlər (441)

Yanvarın 31-də Azərbaycan Turizm və Menecment Universitetində (ATMU) 2019/2020-ci tədris ilinin qış imtahan sessiyası ilə bağlı növbəti “Açıq qapı”günü keçirilib.

Rektor İlham Mədətov ölkəmizdə elm və təhsilin inkişafına göstərilən dövlət qayğısından, o cümlədən ATMU-da qış imtahan sessiyasının təşkilini şərtləndirən zəruri tədbirlərin icrasından ətrafli bəhs edib.Daha sonra diqqətə çatdırılıb ki, Təhsil naziri Ceyhun Bayramovun “İmtahan sessiyasının təşkili və keçirilməsi barədə” 2019-cu il 6 dekabr tarixli əmrinə əsasən ATMU-da ötən ilin dekabr ayının 29-dan start alan qış imtahan sessiyası fevralın 3-də başa çatacaq. Universitetdə qış imtahan sessiyasının təşkili işlərinin mütəşəkkil, operativ, eyni zamanda nəzarətin yüksək səviyyədə həyata keçirilməsi üçün İmtahan Nəzarət qrupu yaradılıb. Yazılı imtahanların nəticələri növbəti, şifahi imtahanların nəticələri isə həmin gün elan edilir

İ.Mədətov tələbələrin müraciətlərinə anındaca baxılması məqsədilə universitet rəhbərliyi, tələbə ictimai təşkilatları və ictimaiyyət nümayəndələrindən ibarət İmtahan Qərargahının və apellyasiya komissiyasının fəaliyyətindən söz açıb. Apellyasiya komissiyasına daxil olan müraciətlərin nəticəsindən tələbələr narazı qaldığı təqdirdə, həmin şikayətlərə yenidən baxılması üçün müxtəlif ixtisaslı mütəxəssislərin cəlb edildiyini deyib.

Söhbət əsnasında Azərbaycan Turizm və Menecment Universitetinin fəaliyyəti və hədəfləri barədə ətraflı məlumat alan “Açıq qapı” iştirakçıları rektor İlham Mədətovla birlikdə imtahanların gedişini izləyiblər.

ATMU-keçirilən növbəti “Açıq qapı” günündə Azərbaycan Respublikasının Dövlət Turizm Agentliyi, Əmək və Əhalinin Sosial Müdafiəsi Nazirliyi yanında Dayanıqlı və Operativ Sosial Təminat Agentliyi, “Mado” restoranlar şəbəkəsi, YARAT Müasir İncəsənət Məkanının səlahiyyətli nümayəndələri, həmçinin məzunlar və tələbələrin valideynləri iştirak ediblər.

ATMU-da 2019/2020-ci tədris ilinin qış imtahan sessiyası uğurla davam edi

Azərbaycan Kulinarlarının Respublika Forumu çərçivəsində təhsil alan Gənc Kulinarların III Şirniyyat Festivalı

29.01.2020-ci il tarixində 5 nömrəli Bakı peşə liseyində Azərbaycan Kulinarlarının Respublika Forumu çərçivəsində təhsil alan Gənc Kulinarların III Şirniyyat Festivalı keçirilmişdir. Təşkil olunmuş yarışda, ATMU komandası ilə yanaşı digər Univerisitet və peşə məktəbləri müxtəlif nominasiyalar üzrə rəqabət aparmışdır. ATMU-nu forumda Sosial menecment fakültəsi Qida mühəndisliyi ixtisasının iki tələbəsi- Mətanət Pənahova, Gülnur Nağıyeva və Turizm və Qonaqpərvərlik fakültəsinin Turizm otelçilik ixtisasının 3-cü kurs tələbəsi Səidə Məmmədova təmsil etmişdir. Komandamız festivala beş fərqli şirniyyatla (ənənəvi paxlava, badambura, kəsmikli kökə, xurmalı kala və balqabaqlı çizkeyk) qatılmışdır. Qeyd edək ki, ATMU komandası "Müasirlik" nominasiyası üzrə birinci yerə layiq görülmüşdür. Tələbələrin festivalda iştirakını Mehmanxana və restoran biznesi kafedrasının müdiri p.e.n., dos. Novruz Quliyev və Karyera və kommunikasiya şöbəsinin əməkdaşı Aida Bayramova təşkil etmişdir.

Azərbaycan Turizm və Menecment Universitetinin (ATMU) Turizm biznesi, Menecment və İngilis dili kafedralarının müəllimləri Bakı Biznes Universitetində (BBU) Avropa İttifaqı tərəfindən maliyyələşdirilən Erasmus+ proqamının “Azərbaycan universitetlərində keyfiyyətə nəzarət mərkəzlərinin yaradılması və inkişaf etdirilməsi, EQAC” layihəsi çərçivəsində təlimlərə qatılıblar. Beləliklə,“Turizm işinin təşkili” ixtisası üzrə ATMU-da icrasına start verilən pilot layihənin təmsilçiləri - Samirə Əmirova, Rəna Ağasıyeva, Cabir Feyzullayev və Fuad Cabbarov Litvanın SMK Tətbiqi Sosial Elmlər Universitetinin təhsil eksperti xanım İnga Juknyte-Petreikienin apardığı təqdimat-sessiyalarda Avropanın təhsil təcrübəsi ilə tanışlıq imkanı qazanıblar.

ATMU əməkdaşları “Tələbə yönümlü təhsil”, “Avropa təhsil məkanında AST standartları”, “Mənimsəmə nəticələri və kompetensiyalar”, “Tədris və qiymətləndirmə” adlı sessiyalar zamanı verilən praktik tapşırıqların icrası mərhələsində şəxsi tədris metodoloqiyalarını diqqətə çatdırıblar. Pilot layihə üzrə keçirilən təlimdə ATMU-nun yeni sillabus forması xanım Juknyte-Petreikie tərəfindən yüksək qiymətləndirilib.

Bakı Biznes Universitetində adıçəkilən ali məktəbin koordinatorluğu ilə növbəti tədbir keçirilib. Avropa İttifaqı tərəfindən maliyyələşdirilən Erasmus+ proqamının “Azərbaycan universitetlərində keyfiyyətə nəzarət mərkəzlərinin yaradılması və inkişaf etdirilməsi, EQAC” layihəsi çərçivəsində keçirilən mərasimdə bildirilib ki, keyfiyyətin təminatı effektivliyinin artırılmasında layihənin səmərəli tətbiqi ali təhsil sistemində əhəmiyyətli rol oynaya bilər. Azərbaycan Turizm və Menecment Universitetinin (ATMU) prorektoru Zaur Bağırov, rektor müşaviri Elvin Yusifli və Elmi innovasiyalar bölməsinin rəhbəri Faina Qaçabəyovanın da iştirak etdiyi tədbirdə professor Zaur Bağırov Keyfiyyət Təminatı Mərkəzlərinin, o cümlədən monitorinq və qiymətləndirilmə proseslərinin tam müstəqil olması amilinə aydınlıq gətirib. Daha sonra “bu proses tələb olunan səviyyədə təşkil edilərsə, yerli universitetlər arasında rəqabətliliyin artırılmasına zəmin yaradar” dedi.

Z.Bağırov diqqətə çatdırıb ki, 2019-cu ildə ATMU keyfiyyət təminatı sahəsində diqqətçəkən uğurlara imza atıb və İSO keyfiyyət təminatı seritifikatını alıb.

Toplantıda layihənin ölkə üzrə tərəfdaş ali məktəblərindən Azərbaycan Dövlət Pedaqoji, Azərbaycan Texnologiya, “Naxçıvan”, Sumqayıt Dövlət, Azərbaycan Turizm və Menecment, Azərbaycan Memarlıq və İnşaat, Azərbaycan Kooperasiya, Odlar Yurdu, Gəncə Dövlət və Mingəçevir Dövlət universitetlərinin rektorları və prorektorları, həmçinin İngiltərədən olan layihə üzrə ekspert Corc Dafoulas iştirak edib.

Layihənin davamlılığının təmini məqsədilə bir sıra tərəfdaş universitetlər arasında bağlanan əməkdaşlıq müqavilələrində universitetlərarası tələbə-müəllim mübadiləsinin həyata keçirilməsi, kreditlərin tanınması, ortaq konfransların, simpoziumların təşkili kimi məsələlər öz əksini tapıb.

3 -dən səhifə 111

Bizimlə əlaqə

Sizi maraqlandıran istənilən sualla bağlı müraciət edə bilərsiniz

  • Ünvan: Koroğlu Rəhimov 822/23
  • Tel: +994 12 5644233
  • Email: info@atmu.edu.az
  • Poçt indeksi: AZ1072

Tələbələr bizim haqda nə fikirləşir?!

Top
We use cookies to improve our website. By continuing to use this website, you are giving consent to cookies being used. More details…